БИШКЕК, 27-окт. — Sputnik. Борбордук шайлоо комиссиясы "Республика — Ата-Журт" партиясынан депутат Курманкул Зулушевди Жогорку Кеңештин депутаты мандатынан ажыратты.
Андан соң анын ордуна партиянын кийинки сабында турган Самат Исманов ЖКга депутат болуп келди. БШКнын төрайымы Нуржан Шайлдабекова бүгүнкү жыйында ага кызматтык күбөлүк жана төш белги тапшырды.
Зулушев 21-октябрда башкы прокурор болуп дайындалгандыктан, депутаттык мандатын тапшырып берген.