БИШКЕК, 23-окт. — Sputnik. Төө-Ашууга кар жаап салгандыктан унаа тыгыны жаралды.
Ашуудан тартылган видео "Короче" Telegram-каналына жарыяланды.
Окуянын күбөсү бир нече чакырымга созулган тыгын туннелдин оозуна чейин жеткенин айтып жатат. Видеодон кар жаап жатканын көрүүгө болот.
Буга чейин Транспорт жана жолдор министрлиги түнкү саат 03:00дөн бери Төө-Ашуу, Ала-Бел жана Өтмөк ашууларына бийиктиги 5-10 сантиметрге жеткен кар түшкөнүн кабарлаган.