БИШКЕК, 22-окт. — Sputnik. Кыргызстанда президенттик жана парламенттик шайлоонун мөөнөтүн жылдыруу боюнча мыйзам долбоорун тогуз депутат демилгелеп жатат.
Аталган документ "Кыргыз Республикасынын президенти жана Жогорку Кеңешинин депутаттарын шайлоо жөнүндө" КР конституциялык мыйзамынын айрым ченемдерин колдонууну токтото туруу жөнүндө" КР конституциялык мыйзамын кабыл алуу" деп аталат.
Мыйзам долбоорун бүгүн Конституциялык мыйзамдар, сот-укуктук маселелер жана Жогорку Кеңештин регламенти боюнча комитети жактырды.
Демилгечилер:
- Акылбек Жапаров, "Бир Бол" фракциясынын депутаты;
- Талант Мамытов, "Республика — Ата-Журт" фракциясынын депутаты;
- Канат Исаев, "Кыргызстан" фракциясынын лидери;
- Өмүрбек Текебаев, "Ата Мекен" фракциясынын лидери;
- Иса Өмүркулов, КСДП лидери;
- Алтынбек Сулайманов, "Бир Бол" фракциясынын лидери;
- Мирлан Бакиров, вице-спикер, "Өнүгүү — Прогресс" фракциясы;
- Жыргалбек Турускулов, "Республика — Ата-Журт" фракциясынын лидери;
- Нурбек Алимбеков, "Кыргызстан" фракциясынын депутаты.
Бүгүн эл өкүлү Талант Мамытов мындай демилге азыркы саясий-экономикалык кырдаалды, эпидемиологиялык абалды эске алуу менен сунушталып жатканын айткан. Ошондой эле ал бул аралыкта Конституциялык реформа дагы жасалышы мүмкүндүгүн кошумчалаган.