БИШКЕК, 21-окт. — Sputnik. Жогорку Кеңештин тийиштүү тармактык комитети башкы прокурор Өткүрбек Жамшитовдун отставкага кетүү боюнча берген арызын карап жатат.
Белгилей кетсек, бүгүн, 21-октябрда, "Ала-Арча" мамлекеттик резиденциясында парламенттин жыйыны өтүүдө.
Учурда конституциялык мыйзамдар, мамлекеттик түзүлүш, сот-укуктук маселелер жана Жогорку Кеңештин регламенти боюнча комитет башкы прокурордун арызын кароодо.
Мамытов: депутаттар Зулушевди башкы прокурор кызматына көрсөтөт
Жыйын башталар алдында эл өкүлү Талант Мамытов Жогорку Кеңештин депутаттары башкы прокурорлук кызматка кесиптеши Курманкул Зулушевдин талапкерлигин сунуштай турганын журналисттерге билдирген.
Өткүрбек Жамшитов 2018-жылдын апрель айында башкы прокурор болуп дайындалган.