БИШКЕК, 21-окт. — Sputnik. Саламаттык сактоо министрлиги Бишкектеги ооруканаларда коронавируска кабылгандар үчүн 413 орун бош экенин билдирди.
Мекеме бейтаптар үчүн орун жок деген маалыматтарды четке кагып, кайсы медициналык жайда канча орун бар экенин тизмектеп берди. Маалымат бүгүн саат 8:00дө алынган.
Тизме:
- Кыргыз-түрк "Достук" ооруканасы — 8 орун;
- Улуттук хирургия борбору — 6;
- Улуттук госпиталь — 24;
- Улуттук фтизиатрия борбору — 13;
- Улуттук кардиология жана терапия борбору — 33;
- №1 шаардык клиникалык ооруканасы — 11;
- Республикалык клиникалык жугуштуу илдеттер ооруканасы — 278;
- Эне жана баланы коргоо улуттук борбору — 21;
- Улуттук онкология жана гематология ооруканасы — 4;
- №2 клиникалык төрөт үйү — 15.
Соңку маалымат боюнча, өлкөдө өпкөнү сезгенткен илдетке кабылган жарандардын саны 53 459га жетти. Анын 46 444ү коронавирусту жеңип чыкты.