БИШКЕК, 16-окт. — Sputnik. Жогорку Кеңештин депутаттары Бишкек шаарына кирген өзгөчө абал режимин жокко чыгарды.
Бүгүн "Ала-Арча" мамлекеттик резиденциясына жыйынга чогулган депутаттар күн тартибине биринчи маселе катары киргизип, өзгөчө абал режимин алып салууну колдоп беришти.
Белгилей кетсек, президент Сооронбай Жээнбеков 9-октябрь күнү Бишкекке өзгөчө абал режимин киргизүү боюнча жарлыгын жарыялаган. Аны парламент бекитип бербегендиктен, 12-октябрь күнү кайрадан ушундай эле жарлыкка кол койгон. Натыйжада 13-октябрда парламент дагы колдоп берген.
Сооронбай Жээнбеков президенттикти расмий тапшырып кетти
Жарлыкка ылайык, Бишкектеги өзгөчө абал режими 19-октябрга чейин иштеп, кечки саат 22:00дөн таңкы саат 5:00гө чейин шаар тургундарына сыртка чыгууга чек коюлган.