БИШКЕК, 14-окт. – Sputnik. Өкмөт премьер-министр Садыр Жапаров минип жүргөн унаанын номери жасалма деген маалыматтарды төгүндөдү.
Буга чейин соцтармактарга Садыр Жапаровдун унаасынын номери Carcheck порталынан табылбай жатканы боюнча маалымат тараган.
“Mercedes-Benz G-класс автоунаасына тагылган 01 KG 389 AGP мамлекеттик номери Кыргызстандын Улуттук коопсуздук мамлекеттик комитетине катталган”, — дешти өкмөттөн.
Белгилей кетсек, бүгүн, 14-октябрда, Жогорку Кеңеш Садыр Жапаровду премьер-министрлик кызматка бекитти.