БИШКЕК, 14-окт. — Sputnik. 15-октябрь, бейшемби күнү, өлкө аймагында жаан-чачын күтүлбөйт. Бул тууралуу Кыргызгидромет маалымдады.
Билдирмеге ылайык, шамалдын багыты өзгөрүлүп, ылдамдыгы секундасына 1-6 метрден айрым райондордо 4-9 метрге жетет.
Абанын температурасы Чүй, Талас өрөөндөрүндө +16...+21, Ош, Жалал-Абад, Баткен облустарында +18...+23, Ысык-Көл жергесинде +13...+18 жана Нарын аймагында +12...+17 градус болору айтылды.
Күндүн табы Бишкекте +19...+21, ал эми Ошто +20...+22 градуска чейин жетет.