БИШКЕК, 11-окт. — Sputnik. Премьер-министрлик кызматтагы Садыр Жапаров ички иштер министринин милдетин аткаруучу катары дайындалган Улан Ниязбековду өздүк курамга тааныштырды. Бул тууралуу ИИМдин маалымат кызматынан кабарлашты.
Белгилей кетсек, буга чейин интернетте Улан Ниязбеков министр болуп дайындалган буйруктун сүрөтү тараган.
Жапаров Ниязбековду башкаруучулук иштерде тажрыйбалуу экендигин баса белгилеген.
Ал эми ИИМ башчысы болгон Улан Ниязбеков ага артылган ишеним үчүн ыраазычылык билдирип, алдына коюлган тапшырмаларды аткарууда бардык күч-аракетин жумшай тургандыгын билдирген.
УКМК Курсан Асановду дагы кармады
Эске салсак, саясий окуялардан улам мурдагы министр Кашкар Жунушалиев кызматтан кеткен, анын милдетин Курсан Асанов аткарып жаткан. Бирок кечээ аны Улуттук коопсуздук мамлекеттик комитети массалык башаламандык уюштуруу фактысы менен кармады.