БИШКЕК, 5-окт. — Sputnik. "Ала-Тоо" аянтындагы митингчилерди күч органдары кубалап жаткан кезде бир адам жаракат алды. Sputnik агенттигинин кабарчысы окуяны сүрөт, видеого тартып жиберди.
Кадрдан буту канап жерде жаткан кишини көрүүгө болот. Ага бир нече адам жардам берүүгө аракет жасап, жанында турат.
Митингчилердин бири бутунан жаракат алып канжалап жерде жатат. Сүрөт, видео
© Sputnik / Эламан Карымшаков
Буга чейин "Ата Мекен" партиясынын лидери Жанар Акаев дагы жаракат алган видео жарыяланган.
Эске салсак, бүгүн түшкө чейин "Ала-Тоо" аянтында акырындан эл топтолуп, түштөн кийин шайлоодон утулуп калган сегиз партиянын башын бириктирген ири митингге айланган. Алар 4-октябрь күнү өткөн парламенттик шайлоонун жыйынтыгын тааныбай турганын айтып, адилеттүүлүктү талап кылууда.