БИШКЕК, 4-окт. — Sputnik. Борбордук шайлоо комиссиясы Кыргызстанда парламенттик шайлоонун алдын ала жыйынтыгын жарыялады.
Мандаттар тууралуу божомол автоматтык түрдө эсептөөчү системанын санаганы менен добуштардын 94,42 пайызынын жыйынтыгына таянып жасалды. Келтирилген божомол расмий болуп эсептелбейт.
Алдын ала берилген маалымат боюнча, төрт партия 7 пайыздык босогодон өттү:
- "Биримдик" — 24,45%;
- "Мекеним Кыргызстан" — 23,95%;
- "Бүтүн Кыргызстан" — 7,09%;
- "Кыргызстан" — 8,76%.
Алынган маалыматтын негизинде мандаттар төмөнкүчө бөлүштүрүлөрү болжолдонду:
- “Биримдик” — 46 мандат;
- “Мекеним Кыргызстан” — 45 мандат;
- “Кыргызстан” — 16 мандат;
- “Бүтүн Кыргызстан” — 13 мандат.