Кыргызстандын чек арасынан өтүп өлкөгө кирген жарандардын мектеп жашына чейинкилеринен ПЧР-тест талап кылынбайт. Бул тууралуу Мэлис Памиров Sputnik Кыргызстан радиосунун эфиринде маек куруп жатып билдирди.
Өлкөгө сырттан киргендер кайрадан текшерилет, анализ тапшырат. Жаңы алгоритм
Анын айтымында, чек арадан учак менен өткөн жүргүнчүлөрдүн ПЧР-тести 5-октябрдан тарта сурала баштайт.
"Кыргызстанга кирген жарандар үчүн жаңы алгоритм иштелип чыкты. Ага ылайык, сентябрдын 26сынан тарта автоунаа менен келген жүргүнчүлөрдөн коронавирустун жоктугун тастыктаган ПЧР-тести текшерилип баштады. Мындай эреже авиа жүргүнчүлөр үчүн 5-октябрдан тарта күчүнө кирет. Аталган медициналык билдирме мектеп жашына чейинки балдардан талап кылынбайт. Ошондой эле чек ара кызматкерлерине ПЧР-тестин көргөзбөй өтө бере турган кишилер категориясына борт коштоочулар, учкучтар, чоң жүк ташыган унаа айдоочулары жана башка өлкөнүн элчиликтеринин, консулдуктардын кызматкерлери кирет", — деди Памиров.
Ал ПЧР-тест чек араны кесип өтөрдөн 72 сааттан кеч эмес убакта тастыкталган болушу керектигин кошумчалады.