БИШКЕК, 3-окт. — Sputnik. Кыргызстанда өткөн суткада 10 медицина кызматкеринен коронавирус табылды. Бул тууралуу Республикалык штаб кабарлады.
Ага ылайык, Бишкек шаарынан бир, Ош шаарынан бир, Ош облусунан төрт, Жалал-Абад менен Баткенден экиден медиктен вирус аныкталган.
Соңку суткада коронавирустан Ысык-Көл облусунда бир адам көз жумду
Ошондой эле бир суткада ооруканалардан үч ак халатчан жана үй карантининен алты медкызматкер илдетти жеңген.
Жалпысынан республика боюнча COVID-19 илдетин 3 304 медик жуктурса, анын 3038и айыгып чыккан.