БИШКЕК, 26-сен. — Sputnik. Кыргызстанда бир сутка ичинде 155 киши коронавирустан айыкса, кайра 158и жуктуруп алды. Бул тууралуу Республикалык штаб кабарлады.
Аймактарда коронавирус көп катталууда. Себебин жергиликтүү дарыгерлер түшүндүрдү
Акыркы суткада COVID-19 илдетинен сакайып чыккандар (пневмонияны эсепке алганда) төмөнкү жактарда катталды:
- Бишкек — 38;
- Ош шаары — 4;
- Чүй облусу — 7;
- Ош облусу — 37;
- Талас облусу — 1;
- Нарын облусу — 5;
- Ысык-Көл облусу — 21;
- Жалал-Абад облусу — 21;
- Баткен облусу — 21.
Ал эми коронавирус жана ал козгогон пневмония бул аймактарда катталды:
- Бишкек — 22;
- Ош — 9;
- Чүй облусу — 12;
- Ош облусу — 22;
- Талас облусу — 2;
- Нарын облусу — 3;
- Ысык-Көл облусу — 11;
- Жалал-Абад облусу — 34;
- Баткен облусу — 43.
Жалпысынан Кыргызстанда коронавирус жуктургандардын саны 46 090го жетти. Анын ичинен 42 302си айыгып, тилекке каршы, 1 063ү өтүп кетти.
Учурда стационарда 658 бейтап, амбулатордук дарыланууда 1619 киши дарыланууда.