БИШКЕК, 25-сен. — Sputnik. Өткөн суткада өлкө боюнча 13 медиктен коронавирус аныкталды. Бул тууралуу Республикалык штабдан кабарлашты.
Билдирмеге ылайык, илдет жуктурган медиктердин көбү өлкөнүн түштүк аймактарында.
COVID-19 жуктурган медиктер:
- Бишкек шаары – 4;
- Ош облусу – 2;
- Ош шаары – 1;
- Жалал-Абад облусу – 2;
- Баткен облусу – 4.
Ошол эле учурда коронавирустан ооруканаларда дарыланып жаткан беш медик айыгып чыкса, үй карантининен 17 ак халатчан сакайган.
Жалпысынан Кыргызстан боюнча COVID-19 диагнозу менен медицина кызматкерлеринин арасынан 3 227 учур катталса, анын ичинен 2918 медик ооруну жеңди.