БИШКЕК, 18-сен. — Sputnik. Ноокат районунун Күндүү Дөбө айылында Ак-Буура дарыясына кулаган Hyundai Porter үлгүсүндөгү автоунаанын ичиндеги бир кишинин сөөгү табылып, төрт жашар баланы издөө уланууда. Бул тууралуу ӨКМ билдирди.
Окуя 14-сентябрда Ак-Терек — Папан — Кожокелең жолунда болгон. Машинанын ичиндеги үч адамдын бирөө тирүү калып, 64 жаштагы киши менен төрт жаштагы бала көз жумган.
Ысык-Атада машиналардын кагышуусунан жаш бала каза таап, 4 киши жабыркады
"Кечээ, 17-сентябрь күнү, ӨКМдин 19 куткаруучусу тартылып, түштөн кийин эркек кишинин сөөгүн таап, туугандарына өткөрүп берди", — деп жазылат маалыматта.
Министрликтен бүгүн кичинекей баланын сөөгүн издөө иштери улантыларын билдирди.