БИШКЕК, 9-сен. — Sputnik. Чүй облусунун Аламүдүн районунда автоунаасы менен сууга түшүп кеткен эки киши изделип жатканын ӨКМдин маалымат кызматы кабарлады.
Жайылда каналга түшүп кеткен үч жашар кыздын сөөгү 10 күндөн кийин табылды
Окуя 8-сентябрь күнү саат 21:10 чамасында болгон. Анда Дачное айылындагы каналга Nissan Cefiro үлгүсүндөгү унаа түшүп кеткен. Автокөлүктүн ичинде бир эркек менен бир аял болгон.
Издөө иштерине ӨКМдин №1 өрткө каршы куткаруу бөлүгүнүн кызматкерлери тартылды. Жоголгондорду издөө уланууда.