БИШКЕК, 8-сен. — Sputnik. Бишкектин Төмөнкү Жал кичи районундагы көп кабаттуу үйдөгү батирлердин биринен өрт чыкты. Бул тууралуу Өзгөчө кырдаалдар министрлиги билдирди.
Өрт чыккан жерден тартылган видео "Короче" Telegram-каналына жүктөлдү. Кадрдан үйдүн терезесинен жалын чыгып жатканы көрүнүп турат.
ӨКМдин алдын ала берген маалыматы боюнча, Тыналиев көчөсүндө жайгашкан №92 көп кабаттуу турак үйүнүн 6-кабатында батир күйүп жатат. Өрттү өчүрүүгө саат 19:46да бир бригада, саат 19:50дө кошумча автошаты тартылган. Министрликтен кошумча маалымат берилерин айтышты.