БИШКЕК, 5-сен. — Sputnik. Жайыл районуна караштуу Сары-Булак айылында мындан 10 күн мурун каналга түшүп кеткен үч жашар кыздын сөөгү бүгүн табылганын ӨКМдин маалымат кызматы кабарлады.
Кырсык 26-август күнү болгон. ӨКМдин куткаруучулары ошол күндөн тарта наристени издешкен.
"Кыздын сөөгү бүгүн, 5-сентябрь күнү, саат 16.45те Талды-Булак айыл аймагына караштуу Бекитай айылында сугат каналынан табылды", — деп айтылат маалыматта.
Издөө иштерине 31 куткаруучу тартылган. Алар бөбөктүн сөөгүн ИИМ кызматкерлерине өткөрүп бергени белгилүү болду.