БИШКЕК, 25-авг. — Sputnik. Өкмөт мамлекеттин үлүшү бар "РСК Банкты" экспорттук-импорттук банк кылып кайра түзүп чыгууну пландап жатат. Бул тууралуу брифинг учурунда премьер-министр Кубатбек Боронов билдирди.
"Ишкерлерге консультациялык коштоо иштерин киргизүү үчүн мамлекеттин үлүшү бар банктарды кайра түзүп чыгуу пландалууда. Учурда "РСК Банкты" кайра түзүү боюнча иштер жүрүп жатат", — деди Боронов.
Анын айтымында, негизги максат — ата мекендик экспортчуларды колдоо боюнча финансылык механизмдерди ишке киргизүү.
"РСК Банк" ААКынын акцияларынын 100 пайызы Мамлекеттик мүлктү башкаруу фондуна тиешелүү.