БИШКЕК, 22-авг. — Sputnik. Өткөн сутканын ичинде Кыргызстанда 13 медицина кызматкери коронавирус жуктуруп алганы аныкталды. Бул тууралуу Республикалык штаб билдирди.
Маалыматка ылайык, Баткен облусунда бешөө, Жалал-Абадда төртөө, Бишкекте экөө, Ош шаарында бирөө, Чүй облусунда бирөө ооруну илештирип алган.
Ноокатта иштеген 74 медик Ысык-Көлгө эс алууга жөнөтүлдү. Видео
Ал эми акыркы суткада бир ак халатчан коронавирусту жеңип, ооруканадан чыккан. Үй карантининен сакайгандар катталган жок.
Бүгүнкү күндө республика боюнча 3086 медицина кызматкерине COVID-19 жукканы белгилүү болду. Алардын ичинен 2 384ү (77,3 пайыз) айыгып чыкты.