БИШКЕК, 21-авг. — Sputnik. Ош шаарындагы Араван каналына чөгүп кеткен эки жаш баланын сөөгү табылды. Бул туурасында Өзгөчө кырдаалдар министрлигинин маалымат кызматы кабарлады.
Билдирмеге караганда, 20-август күнү Туран кичи районунда Күрөңкеев жана Алыкулов көчөлөрүнүн кесилишиндеги Араван каналына тогуз жана сегиз жаштагы балдар чөгүп кеткен.
Шамырканов: аймактарда куткаруучулардын жабдуусу жетишсиз
Издөө иштерине 22 куткаруучу тартылып, бүгүн, 21-августта, саат 07.30да тогуз жаштагы баланын, саат 9.35те сегиз жаштагы баланын сөөгү табылган. Кутаруучулар аларды туугандарына өткөрүп бергени айтылат.