БИШКЕК, 19-авг. — Sputnik. Өлкөдө эпидемиологиялык абал өткөн айга салыштырмалуу 60-70 пайызга турукташып калды, бирок аймактарда кырдаал дагы деле курч бойдон калууда. Бул тууралуу премьер-министр Кубатбек Боронов брифинг учурунда билдирди.
Өкмөт башчы белгилегендей, өкмөттүн жана дарыгерлердин коронавирус инфекциясынан каза болгондордун санын азайтуу аракети натыйжа берип жатат.
Каратаев: быйыл былтыркыга салыштырмалуу адам өлүмү аз
"Кечээ күнү бир эле киши каза болду. Бирок ооруну жуктургандар биз ойлогондой басаңдабай жатат. Ошол үчүн эпидемилогиялык абал жакшы деп айткандан алыспыз", — деди Боронов.
Ал жарандар азыр дагы санитардык жана гигиеналык эрежелерди сактоого тийиш экендигин белгиледи.
Республика боюнча коронавирустан айыккандардын саны 35 197 киши болду. Жуктургандар жалпысынан 42 325ке жетти. Тилекке каршы, 1 054 киши өтүп кетти.