БИШКЕК, 17-авг. — Sputnik. Кыргызстан биринчи жарым жылдыкта 10 тонна 240,8 килограмм алтын сатканын Улуттук статистика комитети билдирди.
538 миллион доллар наркындагы бул кымбат баалуу металл быйыл толугу менен Улуу Британияга сатылган.
Эске салсак, өткөн жылдын биринчи жарым жылдыгында 9 тонна 430 килограммдан (394,7 миллион доллар) көбүрөөк алтын сатылып, анда да Улуу Британияга экспорттолгон.
Кыргызстандын алтын валюта резервинин көлөмү рекорддук көрсөткүчкө жетти
6,8 тонна күмүш Швейцарияга кеткен, суммасы 3,6 миллион доллардан көбүрөөк экени айтылды. Ал эми өткөн жылдын ушул мезгилине салыштырсак, андагы экспорт 3 тоннаны түзгөн (акчасы 1,4 миллион долларга чукулдаган).
Кыргызстандан, мындан сырткары, кымбат баалуу металлдардын 1 640,1 тонна калдыгы чыгып, ал 1 миллион 757 миң долларга бааланган. Былтыркы жылдын ушул мезгилинде 9,6 миллион долларлык 2,4 миң тонна балуу металл сыртка чыгарылган.
Кайсы мамлекеттерге экспорттолот:
- Германия —284,6 тонна;
- Латвия — 60,5 ;
- Литва — 501,3;
- Россия — 463,9;
- Эстония — 3298.