12-декабрды Чыңгыз Айтматовдун, 21-апрелди улуттук адабият күнү деп белгилөө сунушталууда. Бул тууралуу Нурлан Калыбеков Sputnik Кыргызстан радиосуна маек куруп жатып билдирди.
Анын айтымында, ушул жана башка сунуштарды камтыган мыйзам долбоору кароодо турат.
"Учурунда Чыңгыз Айтматовдун туулган, ал эми Алыкул Осмоновдун дүйнөдөн өткөн күнү, 12-декабрь, символикалуу улуттук адабият күнү деп белгиленген. А бирок Айтматов дүйнөлүк киши болгондуктан адабиятка, ал тургай Алыкул Осмоновго дагы көңүл бөлүнбөй калат экен. Ошондуктан 21-апрелди улуттук адабият күнү деп белгилөө боюнча сураныч, кайрылуу, сунуштар түшүп жатат. Эмнеге бул дата дегенде, Жазуучулар союзу 1934-жылы 21-апрелде уюшулган. 12-декабрь Чыңгыз Айтматовдун күнү болуп кала берсе, адабият күнүн 21-апрелге которуу туура чечим болот", — деди Калыбеков.
Калчабаева: азыркы китептердин көбү адабиятты эмес, макулатура алгандарды байытат
Төрага чыгармачыл уюмдарга мамлекет тарабынан камкордук көрүлүүсү зарыл экендигин кошумчалады.