БИШКЕК, 16-авг. — Sputnik. Кыргызстанда коронавирусту дарылоо боюнча 4-протокол мурдагылардан эмнеси менен айырмаланарын саламаттык сактоо министринин орун басары Мадамин Каратаев айтып берди. Бул тууралуу россиялык дарыгерлердин Кыргызстандагы ишин жыйынтыктоочу брифинг учурунда сөз болду.
"17-июлдан тарта өлкөдө статистикалар бириктирилди. Мурда анализ коронавирус бар экенин көрсөткөн учурлар гана катталса, кийин ага ооруканадан тышкаркы пневмония дагы кошулган. Буга чейин үч протоколдо COVID-19ду дарылоо боюнча айтылса, 4-версиясында пневмония жана анын күчөп кеткен учурларын сакайтуу боюнча көрсөтүлдү", — деди Каратаев.
Естебесова: тамеки чеккендер COVID-19ду жеңил көтөрөт деген жаңылыштык
Анын айтымында, жакында документ министрлик тарабынан бекитилип, дарыгерлерге колдонууга берилет.
Буга чейин протоколдун 4-версиясы Россиядан келген дарыгерлерге да көрсөтүлүп, алар тажрыйбасына таянып сунуштар айтылган.