БИШКЕК, 14-авг. — Sputnik. Мурдагы президент Алмазбек Атамбаевге кримтөбөл Азиз Батукаевдин мыйзамсыз бошотулушу боюнча чыккан соттун чечими күчүндө калды. Бул тууралуу Sputnik агенттигинин кабарчысына анын жактоочусу Сергей Слесарев билдирди.
"Бишкек шаардык соту Биринчи май райондук сотунун чечимин өзгөрткөн жок. Жогорку сотко апелляциялык арыз жазуу боюнча маселе каралууда", — деди Слесарев.
Биринчи май райондук соту ушул жылдын 23-июнунда аталган иш боюнча Атамбаевди 11 жыл 2 айга эркинен ажыраткан.