БИШКЕК, 9-авг. — Sputnik. Жер шарында август айында күчтүү магнит бороону болушу күтүлүп жатат. Бул тууралуу “Известия” басылмасы жазып чыкты.
Окумуштуулар 10-августта орточо магнит бороонун болжолдоодо. Ошол учурда адамдардын кан басымы түшүп же жогорулап кетиши ыктымал.
"Магнит бороонунун күчү 13-14-август күндөрү бир аз басаңдайт. Ал күндөрү аба ырайынын өзгөрүшүнөн кыйналган адамдардын башы айланып же ооруйт", — деп айтылат кабарда.
Аталган бороон 21-22 жана 29-август күндөрү кайра күчтөнүшү мүмкүн. Анда көпчүлүк кишинин муундары, башы ооруп, өзүн жаман сезип, уйкусу качышы ыктымал.