БИШКЕК, 7-авг. — Sputnik. Саламаттык сактоо министрлиги Кыргыз мамлекеттик медициналык академиясына быйылкы окуу жылы бюджеттик орундарды көбүрөөк бөлгөн. Бул тууралуу Республикалык штабдан кабарлашты.
Ага ылайык, мындай чечим медицина тармагындагы адистиктерге суроо-талап көп болгондуктан кабыл алынган.
КММАдагы бюджеттик орундардын тизмеси:
- "Дарылоо иши" — 210 орун;
- "Медициналык-профилактикалык иши" — 60 (20 орунга көбөйгөн);
- "Педиатрия" — 40;
- "Медайымдык иш" — 10 орун.
Ош мамлекеттик университине 80 гранттык орун бөлүнгөн. Алар:
- "Дарылоо иши" — 40 орун;
- "Медициналык-профилактикалык иш" — 20;
- "Педиатрия" — 15 орун.
Ординатурадагы бюджеттик орундар:
- "Эпидемиология" — 30 орун;
- "Инфекциялык оорулар" — 22 орун;
- "Микробиология" — 30 орун;
- "Реаниматология" — 26 орун.
2020-2021-окуу жылына ординатурада кошумча 250 бюджеттик орун бөлүү боюнча маселе каралып жатканы кошумчаланды. Быйыл башка да адистиктерге бюджеттик орундар көбөйгөн.
Алар:
- "Пульмонология" — 35 орун;
- "Тез жардам" кызматы — 12 орун;
- "Клиникалык лабораториялык диагностика" — 20 орун.