БИШКЕК, 5-авг. — Sputnik. Бишкекте ооруп кайрылгандардын саны азайгандыктан, жети стационарды азырынча жаап туруу чечими кабыл алынды. Бул тууралуу шаар мэриясынан билдиришти.
"Стационарлар ачылгандан бери кечээ эң аз сандагы оорулууларды кабыл алды. Күндүз – 964, 5-августка караган түнү 173 гана бейтап кайрылды. Андыктан киши өтө аз же таптакыр жок стационарларды күз-кыш мезгилине карата күч, каражатты үнөмдөө үчүн жаптык", — деп айтылат мэриянын билдирүүсүндө.
Алар:
- "Сейтек" мектебиндеги стационар;
- №95 мектептеги стационар;
- №83 мектептеги стационар;
- №81 мектептеги стационар;
- №94 мектептеги стационар;
- "Арал" кафесиндеги стационар;
- Кара-Жыгач жаңы конушундагы "Салтанат" ресторанындагы түнкү стационар.
"Колдоо керек". Чолпон-аталык дарыгерлер Жээнбековго даттанды. Сүрөт
Калгандары штаттык режимде иштеп жатат. Аларда шаардыктарга 40 дарыгер, 50 медайым, 30 санитар жана ыктыярчылар жардам берип жатат.