БИШКЕК, 2-авг. — Sputnik. Россия Кыргызстанга жалпы суммасы 50 миллион рублден ашык суммага кезектеги гуманитардык жардамын көрсөттү. Бул туурасында Республикалык штабдан кабарлашты.
"2-августта Кыргызстан менен Россиянын ортосундагы расмий сүйлөшүүнүн натыйжасында Чеченстан тарабынан жалпы суммасы 51 млн 41 миң 917 рублге барабар болгон кайтарымсыз жардам жиберилди", - деп айтылган маалыматта.
Аталган гуманитардык жардам бүгүн кыргыз-казак чек арасынын "Ак-Тилек" өткөрмө посту аркылуу Кыргызстанга киргизилген. Тийиштүү иш-чаралардан кийин Саламаттык сактоо министрлигинин Дары-дармек менен камсыздоо жана медициналык техника департаментинин кампасына түшүрүлмөкчү.
Россиялык медиктердин Кыргызстанга жардамы. Реанимациядан тартылган видео
Россиянын "Фармстандарт" ачык акционердик коому Кыргызстандын Саламаттык сактоо министрлигине гуманитардык жардам катары төмөнкүлөрдү берген.
- 24 100 даана коргоочу комбинезондор;
- 24 729 даана үч кабаттуу бет кап;
- 5 248 даана полимердик материалдан жасалган көз айнек;
- 10 649 даана бет калкандар жана башка медицина тармагына муктаж болгон каражаттар.
Россия Кыргызстанга COVID менен күрөшүүгө кандай жардамдарды көрсөткөнү айтылды
Кыргызстандагы коронавируска каршы коңшу мамлекеттердин ичинен Россиядан адистер жана дары-дармек, медициналык жабдуулар боюнча арбын жардам көрсөтүлүүдө. Учурда Кыргызстандын аймактарында россиялык дарыгерлер коронавируска каршы жергиликтүү медиктер менен бирге иштеп жатат.