БИШКЕК, 2-авг. — Sputnik. Кыргызгидромет агенттиги келерки аптага карата аба ырайынын божомолу тууралуу билдирүү таратты.
2-3-август күндөрү өлкөнүн дээрлик бардык аймактарында жаан жаап, күн күркүрөшү ыктымал.
3-августта Бишкекте жамгыр жаабайт. Бирок Чүй облусу менен Таластын тоолуу аймактарында жаан карга айланышы божомолдонду. Башка облустарда да жаан жаашы мүмкүн.
4-августта Ош, Жалал-Абад, Баткенде күн ачык болот. Ал эми Чүй, Талас, Нарын, Ысык-Көлдө өткүн өтүшү ыктымал.
5-август күнү көпчүлүк аймактарда күн ачык болот, анын ичинде Ысык-Көлдүн Каракол, Чолпон-Ата шаарларында аба ырайы жылуу болуп, жамгыр жаабайт.
6-августта айрым аймактарда күн себелеши ыктымал.