COVID-19 менен ооруп айыккан адам башкаларга вирус жуктуруу коркунучу жок экендигин алынган ПЦР-тест аныкташы керек. Бирок бул тесттер да соңку кезде так көрсөтпөй жатат. Бул тууралуу Бермет Естебесова Sputnik Кыргызстан радиосуна маек куруп жатып билдирди.
Анын айтымында, COVID-19дан айыккандардын организминде вирус канчалык деңгээлде калгандыгын учурда жеке клиникаларда аныктоого мүмкүн. Тилекке каршы, бул анализдердин баасы 1 500 сом туруп, бардык эле адамдардын мүмкүнчүлүгү жете бербейт.
"Ар ким ооруну ар түрдүү көтөргөндүктөн, коронавируска чалдыккан адамдар так мынча күндө айыгат деп айтуу азырынча мүмкүн эмес. Учурда медиктердин колунда бар мүмкүнчүлүгү — айыккан адамдан ПЦР-тест алуу. Бирок соңку кезде бул тесттер да туура эмес көрсөтүп коюп жатат. Ал эми тажрыйбама таянып айта турган болсом, орто деңгээлде ооруп айыккан адамдар өзүн жакшы сезип, айыктым дегенден кийин деле 20 күн, керек болсо бир айга чейин вирус таратуучу болуп жүрө бериши мүмкүн. Бизде оорунун кескин жайылып кетишине мына ушул сыяктуу абалдар түрткү болду. Өзгөчө жеңил түрү менен ооругандар бир аз өзүн жакшы сезип калганда эле жумушка чыгып, коомго аралашып кетишти. Мына ушулар башкы вирус таратуучу болуп калууда", — деди Естебесова.
Пульмонолог чылым чегүүнүн коронавируска тийгизген таасирин айтты
Дарыгер коронавирустун жеңил түрү менен ооруп калган учурда деле медиктердин уруксаты жок обочолонуудан чыкпай турууга чакырды.