БИШКЕК, 24-июл. — Sputnik. Бишкекте жолтандабас артынан келип сүзгөн жеңил унаага урунган жөө жаран каза болду. Бул тууралуу Милициянын кайгуул кызматы башкармалыгынан билдиришти.
Жол кырсыгы саат 17.20лар чамасында Дэн Сяопин көчөсүндөгү №34 үйдүн жанында болгон.
“Жолтандабас Mazda Demio автокөлүгүнүн артынан сүзүп, ошол маалда жеңил авто алдындагы жөө адамды кагып алган. Жабырлануучу алган жараатынан улам көз жумду”, — деп айтылат милициянын билдирүүсүндө.
Окуядан кийин тартылган видео "Короче" Telegram-каналына жарыяланган.
Анда жеңил унаа бир топ талкаланып калганын көрүүгө болот.