БИШКЕК, 23-июл. — Sputnik. Адам баласы COVID-19га каршы вакцинаны 2021-жылдын биринчи жарымына чейин баары бир ала албайт. Бул тууралуу Дүйнөлүк саламаттык сактоо уюмунун (ДССУ) өзгөчө кырдаалдар боюнча программалык директору Майкл Райандын сөзүнө таянып Reuters агенттиги жазды.
Анын айтымында, учурда бир катар өлкөлөр вакцинаны жасап бүтүп калганын айтканы менен аны массалык түрдө даярдоо жана элге жеткирүүгө көп убакыт талап кылынарын түшүнүү зарыл.
COVID: Мишустин Россияда жасалган 4 вакцина адамга коопсуз экенин айтты
"Коронавируска каршы вакцина байлар же жакырлар гана үчүн эмес. Ал жер жүзүндөгү бардык адамдарга жеткиликтүү болушу зарыл. Учурда ДССУ анын баарына бирдей жетиши үчүн аракеттерди көрүп жатат", — деди Райан.
Дүйнө жүзү боюнча коронавирус жуктуруп алгандардын саны бүгүн 15 миллиондон ашты. Алардын ичинен 622 миңден ашыгы ооруну жеңе албай көз жумду.