Шариятта адамдар зарыгып турган дары-дармек, азык-түлүктөрдү атайын кымбаттатып саткандардын күнөөсү оор болот. Бул тууралуу Акимжан Эргешов Sputnik Кыргызстан радиосуна маек куруп жатып билдирди.
Анын айтымында, элде таңсык болуп турган нерселердин баасын атайын көтөрүп саткандарга үч түрдүү каргыш тиет.
ДССУ коронавируска каршы вакцина элге массалык түрдө качан жетерин айтты
"Шариятта адамдардын аргасыздыгынан пайдаланып тапкан каражат арамдардын эң арамы деп айтылат. Ошондуктан эл зарыгып турган дарыларды бекитип же баасын жогорулатып саткандарга үч түрдүү каргыш тиет. Биринчиси жараткан Кудайдан, экинчиси анын периштелеринен жана үчүнчүсү — ошол дарыны нааразы болуп айла жоктон сатып алган муктаж адамдын каргышы. Мына ушундай кадамга барган көпөстөр башка мамлекетте жашап жатса да өз элине дары-дармекти акысыз жиберип жаткан мекендештерден сабак алышса болмок", — деди Эргешов.
Ал эч бир ооруну жалаң гана дары менен жеңүү мүмкүн эместигин белгилеп, элдин ынтымагы негизги маселе экендигин кошумчалады.