БИШКЕК, 22-июл. — Sputnik. Бүгүнкү күндө 2020-жылдагы карызды тейлөө боюнча төлөмдөрдү кийинки үч-төрт жылга калтыруу жөнүндө эки тараптуу бардык кредиторлор менен макулдашылды. Бул тууралуу өкмөттүн маалымат кызматы кабарлады.
Белгилей кетсек, 15-апрелде "Чоң 20" өлкөлөрүнүн Борбордук банктарынын финансы жана башкаруучу министрлери тарабынан жакыр өлкөлөр үчүн, анын ичинде Кыргызстандын карызын тейлөөнү токтотуу демилгеси жактырылган.
Жыл башынан бери мамлекеттик карызды төлөөгө канча акча жумшалды
Бул демилгенин алкагында Кыргызстан эки жактуу кредиторлордун дарегине тышкы карызды тейлөөнү токтотуу жөнүндө расмий кайрылуу жөнөткөн.
"Эки тараптуу кредиторлор келишимдери Сауд өнүктүрүү фонду, Кувейт араб экономикалык өнүктүрүү фонду, Франция, Германия, Дания Королдугу, Корея жана Япония менен макулдашылды. Анын ичинде өлкөбүздүн ири кредиторлорунун бири Кытай менен ушул жылдын төлөмдөрүн токтотуу жөнүндө макулдашуу ишке ашты", — деп айтылат маалыматта.
Учурда келишимдин мөөнөтүн узартуу шарттары иштелип жатканы кошумчаланды.
Эскерте кетсек, 2020-жылдын январь-май айларында мамлекеттик карызды тейлөө үчүн 14 миллиард 258,3 миллион сом бөлүнгөн.