БИШКЕК, 21-июл. — Sputnik. Бишкектин 11-кичи районунда гараждар күйүп жатат. Бул тууралуу "Бишкек сегодня" Telegram-тайпасынын колдонуучулары жазды.
Маалыматка караганда, өрт алгач жакын жердеги карьердин ичиндеги таштандыдан чыккан. Кийин жалын гараждар тарапка өтүп кеткен.
"Короче" Telegram-каналы окуянын видеосун жарыялады.
ӨКМден маалыматты тастыкташып, өрт тууралуу билдирүү 16:20да түшкөнүн айтышты. Тилсиз жоону өчүрүүгө эки бригада жиберилген.