БИШКЕК, 19-июль. — Sputnik. 20-июль күнү республиканын кээ бир райондорунда, тоо этектеринде жана тоолуу аймактарында өткүн өтүп, күн күркүрөшү мүмкүн. Чүй жана Жалал-Абад облустарынын өрөөндөрүндө жаан-чачын болбойт. Бул тууралуу Кыргызгидромет билдирди.
Маалыматка ылайык, батыштан соккон шамалдын ылдамдыгы секундасына 4-9 метрден кээ бир райондордо 15-20 метрге жетет.
Аптаптуу ысык болбойбу? Бир жумага карата аба ырайы
Абанын температурасы Чүй, Ош, Жалал-Абад, Баткен облустарында +32...+37, Талас жергесинде +29...+34, Ысык-Көл аймагында +23...+28 жана Нарын өрөөнүндө +21...+26 градус болору айтылды.
Күндүн табы Бишкек, Ош шаарларында +35...+37, ал эми Чолпон-Атада +25...+27 градуска чейин жетет.