БИШКЕК, 18-июл. — Sputnik. Кыргызстандык мушкер Рафаэль Физиев UFC мелдешинде кез келчү атаандашы англиялык Марк Диакези менен жолукту. Алардын көз караштар таймашынын видеосун UFC мушкерлер уюмунун президенти Дана Уайт өзүнүн Instagram баракчасына жарыялады.
Мушкерлер 18-июлда Бириккен Араб Эмирлигинин Абу-Даби шаарындагы “Мушкерлер аралы” спорттук жайында UFC Fight Night 172 турниринин алкагында беттешет.
UFC чемпиону Петр Ян кыргызстандык мушкер Рафаэль Физиевге алкыш айтты
Бул кыргызстандык мушкердин UFC уюмундагы үчүнчү беттеши болмокчу. Жалпысынан алганда Рафаэль Физиев ММА спортунда 8 беттеш өткөрүп 7 ирет утуп, бир жолу жеңилүү ызасын тарткан.
Анын атаандашы Марк Диакези 17 беттештин 14үн утуп, үч жолу жеңилген.