БИШКЕК, 18-июл. — Sputnik. Кыргызстандагы ооруканаларга гепарин таратылат. Бул тууралуу КРдин Өзбекстандагы элчилигинен кабарлашты.
Маалыматка ылайык, дипломатиялык өкүлчүлүк кызматкерлери Өзбекстандын мамлекеттик органдары менен сүйлөшүүлөрдү жүргүзгөн. Жыйынтыгында COVID-19ду дарылоодо зарыл болгон гепариндин 50 миң ампуласы алып келинет.
Өкмөт: жакында Кыргызстанга Россиядан гуманитардык жүк келет
"COVID-19 илдетине кабылган бейтаптарды дарылоодо дары-дармек тартыш болгондуктан Өзбекстандан 10 миң баштык гепаринди алып келүү мүмкүнчүлүгү түзүлдү, алар өлкөдөгү ооруканаларга таратылат", — деп жазылган маалыматта.
Ал дары-дармек коңшу мамлекеттин Наманган шаарындагы заводдон чыгарылган.