БИШКЕК, 18-июл. — Sputnik. Бүгүнкү күндө стационарларда COVID-19 менен 1402 бейтап оор абалда жатат, алардын ичинен 70 адам реанимацияда. Бул тууралуу Республикалык штабдан кабарлашты.
18-июлга карата статистика төмөндөгүдөй:
- Коронавируска кабылгандардын саны 25047 адамга жетти;
- Стационарда – 4345, алардын ичинен реанимацияда – 70;
- Оор абалда – 1402;
- Ооруканадан чыккандар – 4495;
- Айыгып үй карантинге чыгарылгандар – 2742;
- Каза тапкандар – 858 адам (кайтыш болгондор 3,42 пайызды түзүүдө)
Инфекционист: вирус менен алгач организм күрөшөт, 5 күн дары ичпеш керек
Кыргызстанда COVID-19га байланыштуу абал июнь айынын ортосунда начарлай баштаган. Бийлик өкүлдөрүнүн коронавирус менен пневмониянын статистикасын бириктиргенде сандар кескин өзгөрдү.
Өлкө аймагындагы соңку кабарлар менен биздин Telegram-каналдан таанышып туруңуз.