БИШКЕК, 17-июл. — Sputnik. Кыргызстанда коронавирус менен пневмония чогуу эсептелип, илдет илештирип алган бейтаптардын жалпы саны 23 783кө жетти. Бул тууралуу Республикалык штабдан кабарлашты.
Дүйнөлүк саламаттык сактоо уюму ооруларды классификациялоодо эки кодду киргизген. Тагыраагы, U07.1 коду - лаборатория тарабынан тастыкталган оору, башкача айтканда, коронавирус болмокчу. Ал эми U07.2 клиникалык жана эпидемиологиялык жактан аныкталган ооруканадан тышкаркы пневмония деп эсептелет.
Коронавирусту 86 адам жеңип, ооруканадан чыгарылды
Ошондо COVID-19 U07.1 жана U07.2 илдеттери менен бир сутка ичинде 1 654 жаңы учур катталды.
- Бишкек — 613;
- Ош — 67;
- Чүй облусу — 272;
- Ош облусу — 125;
- Талас облусу — 76;
- Нарын облусу — 39;
- Ысык-Көл облусу —234;
- Жалал-Абад облусу — 134;
- Баткен облусу — 94.
Тилекке каршы, бир суткада илдеттен 83 адам көз жумду.