БИШКЕК, 16-июл. — Sputnik. Өлкө башчы Сооронбай Жээнбеков Чүйдө бет кап чыгарган "Текстиль транс" фабрикасынын ишмердиги менен таанышты. Бул тууралуу президенттин маалымат кызматы кабарлады.
Ага ылайык, өлкө башчы менен жолугушуу учурунда ишкана негиздөөчүсү Алмазбек Абдраев пандемияда жумуш орундарын сактап калуу үчүн медициналык максатта колдонула турган жеке коргонуу шаймандарын өндүрүүгө өткөнүн билдирген.
Экинчи толкунга даярданыш керек. Адистер Жээнбековго бир нече сунуш айтты
Маалым болгондой, фабрика түрүнө жараша күнүнө 100 миң даанага чейин бет кап чыгара алат.
Өлкө башчы учурдагы түзүлгөн кырдаалда фабриканын социалдык багытта иштеп жатканын канааттануу менен белгилеп, ишкердин көйгөйлөрүн уккан.
Соңунда медициналык каражаттарды толук кандуу чыгарууга тоскоол болгон маселелер өкмөткө сунушталарын убадалаган.