БИШКЕК, 16-июл. — Sputnik. Аксы районунун мамлекеттик администрация башчысы — аким Ыманберди Досбаев кызматынан бошотулганын өкмөттүн маалымат кызматы кабарлады.
Премьер-министр Кубатбек Бороновдун кол койгон буйругуна ылайык, Досбаев башка ишке өткөндүгүнө байланыштуу жумушунан кеткен.
Экс-министр Эрлан Абдылдаев элчи болуп дайындалды
Өкмөт башчынын дагы бир буйругу менен аталган райондун жетекчилигине Эсеналы Ормоналиев дайындалды.
Эскерте кетсек, Досбаев аталган кызматта 2019-жылдын март айынан бери иштеп келген.