БИШКЕК, 15-июл. — Sputnik. Россиянын Илимдер академиясынын Сибирь бөлүмүндөгү Молекулярдык жана клетка биологиясы институтунун окумуштуулары өлкөдө биринчилерден болуп SARS-CoV-2ни нейтралдаштырган антитело алды. Бул туурасында РИА Новости жазды.
"Ал үчүн COVID-19 менен ооруп чыккан донордун каны жана бирдиктүү B-лимфоциттерин сорттогон өзгөчө ыкма колдонулду", — деп айтып берген Илимдер академиясынын Сибирь бөлүмүнүн жетекчисинин келечектүү долбоорлор боюнча кеңешчиси Ольга Дорохова.
Россияда коронавирустун вакцинасы пайдаланууга качан чыгары айтылды
Анын айтымында, антитело АСЕ2 мембраналык белогу менен вирустун өз ара биригип кетишине тоскоол болот. Албетте, бул адамдын организмине кирүүнүн алдын алат.
Кийинки изилдөөлөр оорунун алдын алуу жана атайын терапия үчүн дарыларды жасоого жардам берет.
"Мындан сырткары, алынган материал коронавирус жуккан учурда иммунитеттин коргонуу өзгөчөлүгүн изилдөөгө жардам берет жана вакциналарды жакшыртып, өнүктүрүүдө кадимкидей эле керек болот", — деп кошумчалаган Дорохова.
COVID: авифавирди амбулатордук түрдө колдонууга уруксат суралууда
Аталган институттун иммуногенетика лабораториясы биология илимдеринин доктору Александр Тараниндин жетекчилиги менен молекулярдык диагностика жана оорулардын терапиясы, адамдын белогунун функционалдуу анализи, иммундук системанын молекулярдык эволюциясынын реконструкциясы боюнча илимий иш жүргүзүп жатат.