БИШКЕК, 11-июл. — Sputnik. Ошко Москвадан 156 кыргыз жараны келди. Бул тууралуу ТИМдин маалымат кызматы кабарлады.
Ага ылайык, "Ош" эл аралык аэропорту "Авиатрафик Компани" авиакомпаниясынын Москва — Ош багыты боюнча мекендештердин чартердик каттамын тосуп алган.
ТИМ: мекенге кайтууну көздөп 57 өлкөдөн КР жарандары кайрылды
"Алардын арасында жаш балдар, оор илдетке кабылган, жакында эле операция жасаткан, жакындары кайтыш болгон жана оор турмуш кырдаалына тушуккан жарандар бар", — деп айтылат маалыматта.
Тизмени Москвадагы кыргыз медициналык клиникаларынын дарыгерлери жана элчиликтин кызматкерлеринен турган атайын комиссия түзгөнү айтылды.