БИШКЕК, 3-июл. — Sputnik. Ош шаарында эпидемиологиялык кырдаалга байланыштуу карантиндик чаралардын жаңы эрежелери киргизилди. Бул туурасында Республикалык штаб кабарлады.
Ага ылайык, тойкана, караоке-клуб жана компьютердик клубдарга кишинин санына карабастан иштөөсүнө тыюу салынды.
Кафе, ресторан жана башка коомдук тамактануу жайларынын саат 08.00дөн кечки 22.00гө чейин иштөөсүнө уруксат берилди.
Соода-сатык пункттары саат 07.00дө ачылып кечки 22.00дө жабылат.
Базарлар дүйшөмбү күнү ишин токтотуп, дезинфекциялоо иштери жүрөт.
Ошто COVID-19 кооптуулугунан улам милиция 20 тилемчини кармады
Коронавирус боюнча кырдаал
Республика боюнча COVID илештирип алгандардын жалпы саны 6 767ге жетти. Анын 2 655и айыгып, 76 киши көз жумду. Акыркы маалымат боюнча, 638 бейтап стационарда дарыланып жатса, анын 19у реанимацияда. Ал эми үй карантининде 3 398 киши дарыланууда.
Коронавирустун кесепетинен келип чыккан пневмония оорусунан март айынан бери 120 адам каза тапты. Учурда бул илдетке кабылган 1 724 бейтап ооруканада жатат. Анын ичинен 337 адамдын абалы оор, 112 киши реанимацияда.
Эртеңден тарта Бишкек катаал карантиндик режимге өтөт. Чектөөлөрдүн тизмеси
Өлкө аймагындагы соңку кабарлар менен биздин Telegram-каналдан таанышып туруңуз.