БИШКЕК, 3-июл. — Sputnik. Кыргызстанда бир сутка ичинде 73 медицина кызматкери коронавирус жуктуруп алганы аныкталды. Бул тууралуу Коомдук саламаттык сактоо башкармалыгынын башчысы Айнура Акматова брифинг учурунда билдирди.
Оору жуктурган медиктер төмөнкү аймактарда катталды:
- Бишкек шаары — 32;
- Чүй облусунда — 20;
- Ош шаары — 7;
- Ош облусунда — 7;
- Жалал-Абад облусунда — 3;
- Баткен облусунда — 3;
- Ысык-Көл облусунда — 1.
Ал эми бир суткада 20 ак халатчан ооруканалардан айыгып чыкты.
Жалпысынан республика боюнча COVID-19 диагнозу менен медицина кызматкерлери арасында 994 учур катталды. Алардын ичинен 484 медик ооруканадан сакайып чыкты.
Пандемия башталгандан бери Кыргызстанда 6 767 киши коронавирус жуктуруп алган. Анын 2 655и айыгып, 76 киши көз жумду. Акыркы маалымат боюнча 638 бейтап стационарда дарыланып жатса, анын 19у реанимацияда экени айтылды.
Ал эми үй карантининде 3 398 киши дарыланууда.
Өлкө аймагындагы соңку кабарлар менен биздин Telegram-каналдан таанышып туруңуз.
Имарат берип, жабдуу таап, медик чогултуп... Эл ооруга каршы бир муштумга түйүлгөндө