БИШКЕК, 2-июл. — Sputnik. Казакстандын биринчи президенти Нурсултан Назарбаев коронавирустан сакайды. Бул тууралуу анын маалымат катчысы Айдос Укибай билдирди.
"Элбашынын коронавируска тапшырган тести вирус жок деген жыйынтык чыгарды. Дарыгерлердин айтуусу менен учурда обочолонуу режимин сактап, аралыктан иштөө менен таза абага сейилдөөгө да көңүл буруп жатат", — деди Укибай.
Эске салсак, буга чейин 18-июнда Казакстандын биринчи президенти Нурсултан Назарбаевден коронавирус табылгандыгы тууралуу маалымат айтылган.
Эскерте кетсек, Нурсултан Назарбаев 2020-жылдын 6-июлунда 80ге чыгат.